L-orjent ġa kebbes il-forġa.
Ruxxana x-xemx tħoll l-ingotti
tad-deheb fl-orizzont.

Mejlaqni ħa ninsinn
fuq il-ħaġra lixxa granit.
Illimali dil-lama

Daqs ir-riq fin bejn is-swaba’
raqqaqtha
l-għaġna tat-tafal,
daqs ir-riq

Fuq katafalk
tal-alabastru vvinat
stenduta rajtek
bil-pjiegi tad-drappeġġ illamtati

B’liema trapan nista’ nberren
id-djamanti
biex minnhom nisraq
il-fjamma tad-dawl titliegħeb…

Bħal naħla
li l-ħorġa timborġa
bil-ħolma tal-ward u taż-żahar…

Hawn
f’din id-dura rdussata,
f’dan il-lejl
meta l-kwiekeb ipassu

Ġifa u bla ħila jien
imma nġiegħel naf lis-susan iwaqqaf
it-trombi ta’ widnietu
jissamma’
passejja delikati.

X’inhu jonħor ir-riħ
fil-katusi?
Mal-qattara jissara,
mal-miżieb?