Donnejtni sponża
inlaqqat
mill-mehrież tal-univers
sigriet l-ispazju
kuntrapuntat bil-lewlu
tal-kostellazzjoni.
Donnejtni sponża
l-ispirtu tal-art nixxuga
min-nixxiegħa tal-kurkanta għaslija
fl-orifiċju miftuħ
ta’ tina għaslija.
Donnejtni xuga nisponża
mix-xitel tal-bajtar
kaskata nida
bħas-sried li fih
akuti
is-sriebet koħol
tad-dija tal-kwiekeb
jidjiequ
u jiffukaw.
Imma xufftejja
xorta qoxqox
u jiġu waqtiet
li nibki fix-xagħri
in-nixfa implakabbli
ta’ ruħi deżert.
U jitnewwilli ma’ fommi
fuq qasba
il-qares tal-ħall
biex nitrejjaq.