Poeżija u Informazzjoni - Poetry & Information
RSS icon Home icon
  • Il-Kantiku tad-Demm (The Canticle of Blood)

    Posted on March 29th, 2009 Admin No comments

    Id-demm
    fih intensita`
    ta’ xmux tal-kobalt
    jinstaħqu ġo mehrież bla qisien.

    Id-demm fih globi u qmura
    jitgħawmu fil-ħmura ta’ baħar mielaħ,
    baħar primordjali.
    Id-demm agħma u trux
    Iħoss il-waqt tal-verita`
    ta’ grillu kkargat.
    Id-demm iħoss il-periklu
    ta’ qrun barri ttemprat.
    L-ilsien ma jfissirx
    xi jħossu x-xufftejn jirtogħdu
    fuq xagħar il-għajnejn f’bewsa fietla
    ta’ bufula titħarrek
    imma d-demm iħoss u jaf.
    Fid-demm jintirtu ż-żrieragħ tal-bniedem.
    Fid-demm in-nida u l-ħalib,
    fid-demm in-nar
    u n-nar fid-demm.
    Fid-demm iċ-ċwievet li jiftħu kull bieb.
    Fid-demm il-frak tal-mużajk.
    Fid-demm l-uħux u l-allat.
    Fid-demm l-imgħoddi u li ġej.
    Fid-demm is-sejħa tat-tnabar
    mid-diwi ta’ l-ibgħad żminijiet.
    Fid-demm immansata
    hemm il-berqa għammiexa
    ta’ l-għarfien ta’ l-ispirtu mnebbaħ.
    Fid-demm hemm it-twaħwiħa mmutata
    ta’ sisien l-iġbla jdoqqu daqq elettroniku
    ta’ ċimblu l-granit.
    Is-silenzju ta’ l-ibħra għammiexa
    hemm fid-demm,
    il-malizzja ta’ l-ibħra jitnaffru
    taħt il-madmad tar-riħ.
    Ħelu tamal id-demm merdugħ
    mill-fomm mitbuq fil-vendetta.
    Id-demm it-trofew
    li għalih tinkileb it-tajra tal-priża.
    Fid-demm id-dehxa
    tal-bewsa tal-Mulej taħt is-siġra tat-toffieħ.
    Ma fihx loġika d-demm;
    id-demm bħall-kokka
    li ssib triqitha fid-dlam.

    Blood
    has in it the intensity
    of cobalt suns
    crushed in measureless crucibles.

    Blood has in it globules and moons
    bathed in a red salty sea:
    a primeval ocean.
    Blood blind and deaf
    apprehends the moment of truth
    in a trigger about to be pressed.
    Blood senses the threat
    of the sharpened horns of a bull.
    Tongue cannot formulate
    the feel of lips trembling
    on eyebrows in the lukewarm kiss
    of a moving warbler,
    but blood senses and intuits.
    Blood transmits the heritage of human seed.
    In blood there is dew and milk,
    in blood there is fire
    and fire in blood.
    In blood the master-key.
    In blood the tesserae of a mosaic.
    In blood, ghosts and gods.
    In blood, the past and the future
    In blood, the call of the drums
    resounding with the most distant days.
    In blood, the tamed
    blinding lightning flash
    of cognition in the inspired mind.
    In blood there is the muted mutter
    of mountain foundations uttering electronic sound
    of granite cymbals.
    The silence of lazy seas
    there lies in the blood,
    the malice of the seas irked
    by the yoke of the mind.
    Sweet are the grapes of blood sucked
    by mouths pursed by revenge wreaking.
    Blood is the trophy
    for which the bird of prey siddles with desire.
    In blood lies the shudder
    of the Lord’s kiss under the apple tree.
    There is no logic in blood.
    Blood like the owl
    finds its way in the dark.

    Blood
    has the intensity
    of cobalt suns
    crushed in measureless crucibles.

    Comments are closed.